ماهي بنت ،، ملاك‏

وانا يا اهل الملامة ما رغبت العيش وحداني

ابي لي مهرة ما عسفت صغيرة وبنت حصان

وابوها الي يفك المشكلة ويزبن الجاني

واخوها لو تعزوى باسمها فزوا له العربان

يحق لها الفخر في قوله ال فلان جداني

ابيها في بحر عشرين لا زود ولا نقصان

ابيها اقصر طويلة والوصوف اشكال والواني

ابي الجبهه كما الصبح وكما القوس اسود الحجان

وابيها ناعسيات ونرجسيه سود الاعياني

وابي رمش كما ريش يغطي الثلج في الاوجان

ابي جفن يسيل الرمش طربان وكسلاني

ابي خد كما ورد تنمى في طرف بستان

ابي خشم صغير مثل حد السيف شاماني

ابي البسمه كما البرق وثنياها كما المرجان

وشفاها جمرتين وفمها خاتم سليماني

ابي شعر مثل ذيل الفرس لا طبت الميدان

او الشلال لامن بات ليله بين الامتاني

ابي جيد سوات ابريق فضه ناتق مليان

وصدر كنه مرآيه عليها طلع رماني

ابي ظهر كما الجدول وقد مثل غصن البان

وخصر مثل مجدول العنان وجسم روياني

ابيها نابيه ردف وبطن ضامر

ابيها مدمج الساق وقدمهارلســاان ثعباني

ابيها بنت عز من رقدها ينعم الفستان

ابي الرقه والدقه لها باطرافها شاني

ابي المشية كما الي طالع من المعركة كسبان

وابيها ترش مع خطواتها مسك وريحاني

ا ابي الصوت الى مني سمعته كن فيه الحان

يدقدق مسمعي ويثير كل السحر باشجاني

ابيها حب واخلاص وهواجيس وفرح واحزان

ابيها مثل ما دكتور اهل العشق وصاني

ابيها لوحة ماصورتها ريشة الفنان

ابيها جوهرة ما جابها قاصي ولا داني

ابيها تنتصر لي من زمان حطني نيشان

وتبشر بالغلاء الي ما لفابه واحد ثاني

مهرها قلب وشعر يهز القلب و الوجدان

والبسها القصيد وتصبح اوزاني وقيفاني

ابي الي فات والي فات صعب ومن لقى العنوان

يرد العلم والا افضل ابقى اعيش وحداني

_________________

..}

{..

غاليتي..

لكلماتك مذاق مميز فهى تستهويني
دائما

ربما لانها تعبر عن احساسك فعلا
تبقى دائما الورده المميزه بروحها واقلبها الجميل

مبدعه حد الابداع..

لك مودتي..

{..

..}

_________________