عشاق من احفاد الشيطان ... روايه رومنسيه ... خياليه الجزء الثالث عشر

**********************
عشاق من احفاد الشيطان ... روايه رومنسيه حزينه .. ... وخياليه
**************************




مصر - القاهره

: لاااا هاللحين احسن بكثير عموااا .. وين كنا وين صرنا ..؟

احمد ابتسم بتعب و نظراته مو ثابته تشمل كل مكان بالشقه ..: ايوه احسن بكثير .. الحمدلله جاءت بسيطه

لمى بقهر بين اسنانها : الله لايرده الحيوان اختفاء ..

احمد بتفهم : لااا شي طبيعي والحمدلله جاءت على كذا ..

لمى : آآآآآه لو اشوفه بس اقطعه باسناني بس خساره ماندري عنه بعد هذاك اليوم ..

احمد غمض عيونه وهو يحس بشي يخنقه ..

ذكره بالشقه اللي بقرب المستشفى ..

نجلاااء وينها ...؟؟

محتاجها ..

اذا مرض تكون بجنبه ..

وتساعده .. لمستها تشفيه ..

لمى ناظرت بعمها وضنته بينام .. غطته وهي تهمس : والله بدونك اضيع ياعمي ..

طفت النور وسكرت الباب ..

ابتسم .. حنونه بنت اخوه حنونه لاخر درجه ...
ومافي رجال يستاهلها ..

دخلت لشقه عند البنات ..

كانت ندى ماسكه الريموت وتناظر التلفزيون سرحانه .. بالها مو مع الشاشه ...

استغربت من حالها .. ايام كثير وضعها كذا ..لكن طنشتها هي وشمس مايحاكونها لانها السبب الرئيسي للمشكله .. قالت لسامي بوقاحه ..

نادت على شمس بصوت مرتفع : شموووسه ..

شمس فتحت باب الغرفه : وطي صوتك اكلم ابوي ..ايوه يبه كمل وبعدين ..
_ سكرت الباب _


ندى التفت على لمى والسرحان بعيونها ..
وهي تحس بضيقه من لمكان ..

هواجس ماترد عليها .. وهي من دون ولاريااال ..
سامي اختفاء من اسبوع.. ومحد يدري عنه وش حصل معه ..
وخالته شمس اللي مافيها خير ماهتمت .. ولاسالت ..

ندمت انها قالت لساامي عن احمد .. بس كانت تبغى تقهره ..

حمدت ربها ان احمد كان متنازل ومسامح سامي ..

بس سامي وينه هاللحين ...

اخذت جوالها ودخلت للغرفه بهدوء ..

شمرت اكمام بلوزتها وتوضت ..
وصلت ركعتين ..

سجدت فيهم لرب الارباب وخالق الاكوان ..
وفضفضت له وهي على سجادتها ..

(( يااااارب .. يااارب اجمعني مع اهلي قريب يااارب ..
واحفظهم وحنن قلبهم علي ..

ابغى امي وابوي مشتاقه لهم ..
جدتي وسمعها الثقيل ..
نواف وهواشاته مع وعود ..
وعود حبيبة قلبي ابغى احظنها وابكي وافضفض لها ..
نور وزوجها اللي تقول هواجس انه ملعون ..
هواجس الكريمه مشتاقه لها ..

مشتاقه للكل ..يااارب حرقتني نار الفرقه ..
وندم السفر .. والهروب ..))

رفعت وتشهدت وسلمت يمينها وشمالها .. وهي تمسح دموعها ..

.


.


**********************
عشاق من احفاد الشيطان ... روايه رومنسيه حزينه .. ... وخياليه
**************************







*~لا تعتقد بقول لك "مرحبا بك"..الرب سواني
وسواك..بقولك روح الرب يرعاك..الي خلق مثلك خلق مليون شرواك~*

اخذت لها ميلك شيك بارد .. ونزلت للحديقه طفشانه ..

رفعت بلوزتها البنفسجيه الناعمه اللي نزلت من كتفها ..وشعرها يتحرك حولها ..

الجو جاف وحار مع نسمات هواء بسيطه ..

ماراحت لجده ولا لها خلق تطلع لمكان .. وعدوها صديقاتها يكونوا عندها بعد ساعتين ..

وتدعو بداخلها ان محد منهم يجي مالها خلق ..بس مجامله لهم .. قالت تعالوا ماحبت تردهم ..

روابي طلعت بسرعه تسكر عبايتها : سجى .. انتي هنا ..؟؟!

سجى ابتسمت بهدوء وهي مستغربه من الوضع متعب متزوج روابي ..: ايوه صحباتي بعد ساعتين بالضبط بيجوا ..

روابي كانت تعدل خط البرقع وتناظر المرايه المتوسطه ناظرت فيها بتدقيق وقالت مستغربه : يتقابليهم كذا ..

سجى ناظرت بشكلها بنطلون جينز وبلوزه قطنيه بنفسجيه ومن داخل بدي عادي مره ..: ايوه .. وش فيها ملابسي ..

روابي دخلت المرايه بشنطتها : سلامتس بس غريبه ..

سجى ابتسمت بالم : يعني بتفرق .. الا انتي وين طالعه فيه ؟!

روابي ابتسمت من تحت الغطاء وقالت بصوت غريب وحلو عليها : رايحه لسوبر ماركت .. نفسي اعمل طبخه ايطاليه امممم ... رهيبه لمتعب بكره اذا رجع من الثمامه ..

سجى ضحكت عليها : ههههه لاتحاولي متعب غير الكبسه واللبن مايعرف .. والبصل يزين السفره ..

روابي : ههههه ماعليتس انا له .. الا صحيح تركي كان مثل متعب ..

سجى .. كانت تكابر جرحها وتمثل الا مبالاه لكن لما سمعت اسمه ارتبكت ..
ومسكت دموعها ..
قالت تغير الموضوع : انتظريني بطلع معك ..

روابي : جد .. وصديقاتس ..

سجى ناظرت الساعه : اووه بدري عليهم .. ثواني وبكون عندك ..

روابي : اوكيه احتريتس بالسياره ..

سجى طلعت لفوق بسرعه وهي تحاول تنسى تركي .. وتتذكر قسوته عليها..

اول ماوصلت لدرج شافت وعود جالسه بالصاله متمدده ومغمضه عيونها .. استغربت لو ان متعب طلع .. مو من عادت وعود تجلس كذا ..

خافت عليها وقربت حطت ايدها على كتف وعود ..

وعود صرخت بانفعال : لاتلمسني .. – فتحت عيونها معصبه .. ورتبكت باحراج –اووه سجى

سجى شدت اسنانها مثل ماتوقعت رياض ماهو قادر يسعد وعود وكاترين بينهم : وعود ..ليه جالسه كذا .. لو طلع متعب او مـ

وعود مسكت بطنها وتعقدت حواجبها : لااا متعب مو هنا روابي تقول انه بالثمامه اليوم ومراح يرجع الا بكره العصر ..

سجى : اهااا .. – جلست بجنبها وقالت بحنان وهي ماتنسى وقفت وعود معها اول ايام زواجها من تركي – وعود ايش فيك .. من ايش متضايقه افتحي لي قلبك اعتبريني ندى اختك ..

وعود ابتسمت لها : والله انك بغلاه ندى ..اساسا كل ماناظرك اتذكرها ..

سجى مسكت ايد وعود بجديه: لاتغيري الموضوع ..ايش فيك ..؟

وعود غمضت عيونها لثواني وابتسمت : والله مافييني شي .. بس الحمل وبهدلته – ضحكت باصطناع – والله مادريت ان امي تعذبت كذا ..

سجى احترمت رغبة وعود انها ماتبغى تحكي : اوكي براحتك أنا طالعه لسوبر ماركت تامري على شي ..

وعود نزلت رجلها : بجي معك ..

سجى : هااا .. من جدك انتي تعبانه ..

وعود : طفشت من البيت بطلع .. اذا ماطلعت والله ينفجر او بقتل اخوك ..

سجى : ههههههه لااا لاتنفجري ولاتقتلي حد ..

.

.

.

وقفت الفورد الكحلي عند بنده ..

ونزلوا منها .. سجى وعود وروابي وهم يضحكوا على كلمه متعب لروابي بالتلفون ..

سجى: ههههه ياحليله اخوي مايعرف يكون رومنسي ..

روابي : شايفه كيف .. هاللحين يقولي تخيلتس وحده من النعامات وبستها هههههههه

وعود كانت ماسكه بيد سجى وتمشي بجنبها وهي تبتسم .. حركتها ثقلت كثير ..

سجى مثل العاده الغطاء على كتفها .. وتاركه شعرها براحته ... ونظاره الفضيه عليه : روابي انتظري لاتستعجلي وعود ماتقدر تسرع ..

روابي سبقتهم مستعجله وهي تاشر للخدامه تجر عربه للاغراض ..
: لاااا مو فاضي لكم انا زوجي اهم ..

وعود : بو النعام هههههه

روابي سبقتهم وهي تضحك : ههههههه ..

ميري اخذت عربه لهم ..ومشيت وراهم ببرود لانهم يتمخطروا ..
وعود تعبانه ماهي قادره تمشي بس طفشت من البيت ..

سجى تنهدت : يالله من زمــــــــان ماطلعت لسوبر ماركت او صيدليه ..

وعود ابتسمت لها : لهذي الدرجه ..

سجى : واكثــــــر كنت بمقبر ياوعود الله لايوريك اياها ..

وعود سكتت ماتبغى تقلب على سجى المواجع .. وبالذات من نبره الحزن اللي بدت تملئ صوتها ..

سجى تكابر قالت بدلع وهو تقرب من وعود اكثر : الا ماقلتي لي وش راح تسموا البيبي .. – رمشت تتميلح – سجى صح ..

.
.
.

التفت تركي بسرعه وهو عارف هالصوت ومستحيل ينساه ..
..

ناظر بسجى مصدوم .. وش هالحظ والدنيا الصغيره ..
من زمان ماخذ عيال خواته للسوبر ماركت ولما اخذهم يشوفها ..

ضلت عيونه عليها وهي متمسكه بوحده حامل متبرقعه وتضحك معها بفرح ..

حس انها مو نفسها اللي كانت معه .. هذي وحده تشبه لها ..
واكد له نطق اسمها بهذا الدلع

بدون شعوره منه لحقهم وبايده اغراض البزارين : لحد يتحرك من هنا سمعتوا ..
.
.
.
وعود ضحكت على تميلحها : ههههه لااا مابعد نقرر ..

سجى : ليه .. ماعندكم سالفه لو انا اول حمل لي من زمان مسميته ..

تركي عوره قلبه .. يتخيل لو انها جد تتزوج هاللحين من واحد غيره وتكون حامل ..

وعود بفضول لانها تحس رياض مو مهتم بالاسم ولاهي مهتمه ليه ماتختار سجى الاسم ..
: جــــــــد لو انك حامل .. وش بيتسمي ..؟!

سجى : اممم لو انها بنت اكيد وبدون نقاش بسميها الريم ..

وعود استغربت ورفعت علبه شوكلاته كبيره وشكلها غريب : الريم وش معنى ..؟

سجى ابتسمت : كذااا احبه واحسه حلو .. مو هو اسم غزال ..

وعود : ههههه اسم غزال والا نعامة متعب ههههههه

حطت العلبه بالعربه وهي تضحك .. انتبهت بتركي وراهم اللي لف بسرعه يناظر اغراض بالرفوف ..ابتسمت وقالت بفرح .. تري لاحقهم لهنا .. لو تدري سجى وش راح تعمل ..

تركي توهق وكان بيرجع بس ماتحرك لان الحامل اللي مع سجى مشت الموضوع عادي .. وشكلها ماعرفته ..

سجى : هههه لاااا متعب الحريم عنده حريم ..
ناقه صفراء .. نعامه .. عادي عادي ..مرره سوفاج ..

وعود بخبث ..: وتركي مثله ..

لفت عليها سجى بسرعه وقالت بخنقه وعصبيه : انتــم وش فيكم هااا ..تركي وتركي خلااااص ..آآآآف ..

وعود : بسالك سوال بيني وبينك ..

سجى : لاااا ماحبه ولا اطيقه عرفت سوالك خلاااص ..

سحبت اقرب شي عندها ورمته بقوه بالعربه .. وجاءت عيونها بعيون تركي ..

واول شي عملته رفعت الغطاء على شعرها من الخوف .. لوتركي ناظرها كذا بيذبحها ..
لكن تذكرت ان ماله كلمه عليها ورجعت الغطاء لظهرها ومشت بسرعه بعيد عنه ..

وعود ناظرتهم .. وتحس بابتسامتها تختفي ..

تذكرت كيف تطلقوا هي ويعقوب على الفاضي .. وهم كانوا قيس وليلى ..

اقسى شي تفترق عن حد وانت تعشقه وهو كل شي بحياتك ..

لحقة سجى وهي تحاول تضغط على نفسها وتسرع : سجـــــى والله ماقدر اركض وقفي ..

سجى مشت بسرعه رهيبه لعند الثلاجات .. تبغى تبعد عن تركي علشان ماتبكي ..

تركي ندم انه لحقهم .. كيف بغباءه راح لوراهم ... كيـــــف ..

رجع للعند البزارين ودخلهم لسياره معصب بدون ماياخذ لهم شي ..
: ادخلوا انت معه ولااا كلمه .. مو لاني بطالي ومطلق تستوطوا حيطي ...

ناظره البزارين يرمشون ببراءه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************





تن تن ..
تــــــــن تــــــن

فتح الباب وهو يتمدد من اللي ازعجه بهالوقت ..

ماحس الا بجسم مثل جسمه لكن اعرض شوي ينرمي عليه .. ويحضنه بقوه ..

ضل ريان للحضات مصنم ..
بعدها ميز الريحه والجسم
قال والصدمه ماليته : ســ ....ـامـ.....ـي ..؟؟؟؟!

سامي ضم ريان له اكثر : محتاج لك .. محتاج لك ياخوي ..
شهق بالم ... وونات حاره من صدره تطلع ..

ريان حاول يهدي سامي وهو يحس بضيقه ..
ايش فيه سامي ..؟
.. وش اللي حصل معه ..؟؟
متى جاء للامارات ..؟


جلس سامي على الكنبه .. وناظره ..
وجهه متغير ..
والابتسامه اللي دايم ماليه وجهه تحولت لتكشيره
وضيقه .. : ترى اعصابي تلفت ..وش فيك ..؟

سامي ناظر بريان .. ونفسه يصرخ ..
: ابغ احكي .. ريااان انا مخنوق ..
امووت باليوم مليون مره .. والله مليييت وضاقت فيني الدنيا ..
- ضرب صدره – آآآآه ياخوي آآآآآآه ..هنا ماعاد فيه مكان للهم ...

ريان ماتكلم ضل ساكت يسمع له ..
لان سامي من النوع اللي مايحب حد يقاطعه اذا فضفض ..
بس يحكي ويريح نفسه ..

سامي فتح قلاب ثوبه ...
: ضيعتني الله يضيعها . .. ومالومها الوم ابوك وامك .. اللومهم وذنوبي بذمتهم ..
اهملوني عندها ..
لحد ماحرمنتني .. رجولتي .. انا ماقدر اجيب عيال ..
يااخوي مراح تكون عم .. مرااح تسمع كلمه عمي .. محد بيحمل اسمي ..

ريان ناظره بصدمه ..واطرافه بردة وحس برعشه تعتري جسمه : ايش تقصد ..

تنهد سامي بضيقه : انا عندي خلل في الحيـو؟؟؟؟؟؟وتاخر نمو ها ومادري ايش .. – بلع ريقه - وهذا يرجع لان بطفولتي ..

انخنق صوته واسند راسه بايدينه .. : اتمنى انااام ... .. ماعرف طعم النوم من الهواجيس ..

نفسي اناظر بنت واصد .. نفسي اكون انسان طبيعي ..
حتى لدكتور نفسي رحت .. وكاني مجنون ..

رفع راسه وابتسم .. : بس في امل اصد يا ريان .. في امل ..

مافهم عليه ريان ..

سامي رجع جسمه لورى وناظر لسقف بسرحان ..وتكلم وهو يبتسم : وش احكي لك ياريان .. خفت عليها ..مابغى اضرها ..
- رفع يدينه –
والله كانت بين يديني هذولاء و ماقدرت المسها .. ماقدرت اقرب منها واضرها .. مو لان دموعها هزتني من جوا ..لااا والله ..
- ناظر ريان وعلى وجهه نفس الابتسامه الحالمه -
تدري ليه .. ؟
لانها كذا تحسها جوهره .. شي من قزاز حرام يتكسر ..
شديده وقويه بس على براءه ..
آآآآآه لو تشوفها ..
عيونها .. تجعيدتها الصغيره اذا ضحكت ..
انفها المكسور شوي .. شفايفها .. بشرتها ..
شعرها .. وياااويل حالي من شعرها ...
عارف ايشلي هذي المغنيه تشبه لها .. بس ندووش احلاء ..

ريان عجبه ان اخوه طيحته وحده .. قال يسايره : ندووش ...؟؟؟

سامي عدل جلسته بحماس : ههههه ندى .. بنت الفراش حمد هذاك اللي عندك بالشركه ..

ريان فتح فمه : اخت زوجه رياض ..

سامي : ايوووووووه عليك نور هيااا ..والله ياريان عفت بنات حوااء بعدها ..

ريان باستهزاء خبيث .. : اووه سامي الخيـــــــال الفارس الوسيم مهبل بالبنات يحب ..

سامي عقد حواجبه : احبها حراام عليك .. انا اعشقهـــــاااا .. اقسم ان ضحكه بسيطها منها تاخذني لسماء .. ودمعه منها تنزلني بالارض ..

ريان : ههههه ... بس ترى انا طارد ابوها من الشغل ..

سامي : ليييييييه ...؟!

ريان : كذا عناد لمنى ..

سامي : حرااام عليك ريان هو على الله ثم على ذا المعاش ..وبس ..

ريان : عناد بعجوز النار هذي .. طردته ..

سامي : بكره نزوره وترجعه لشغل ..

ريان : نعـم ... انا ماكسر كلمتي ..وبعدين بكره عندي شغل بالامارات ..

سامي : علشان اخوك الفقير ..

ريان: ههههههه



**********************
عشاق من احفاد الشيطان ... روايه رومنسيه حزينه .. ... وخياليه
**************************

نور ايش قلتلك ..تعوذي من الشيطان وامك محتاجه لك هاللحين تصبريها مو تخوفيها ..

نور تمسكت بيد يزيد اكثر وهي تمسك دموعها .. : لااا مابغى رجعني للبيت ..ماقدر اشوفهم ..

يزيد : نوارتي حبيبتي ..ااهلـــــك محتاجين لك انا ماقلتلك الا تساعديهم ..

نور تنهدت واخذت نفس طويل ... ومشت مع يزيد لغرفة هواجس ..

دخلوا للغرفه ..

ام هواجس كانت عند راس هواجس تقراء قران .. وبو هواجس جالس على كنبه يناظر النافذه سرحان ..

نور ركضت لامها وضمتها : يمــ .... ــــه .يمـ... ـــــه..

ام هواجس ضحكت لنور : ههههههه

نور ناظرتها : ليه تضحكي مفروض تبكي لانك شفتيني ..

ام هواجس ناظرت بيزيد :اضحك لان من عرستي ماشفناك ولاسمعنا صوتك بعتينا وانا امك ..

نور حمرت خدودها وناظرت بهواجس تضرفها : هواجس ماصحت ..

ام هواجس : الا صحت وابوك – التفت على زوجها – ماشفتي وش عمل

نور بحقد مالتفتت على ابوها .. تركها بيوم ملكتها ....ماعندها ولي ..
: ماعليك منه وطمنيني كيف نفسيتها ..

ام هواجس : الله يعين مـ

يزيد عند الباب اشر لنور تجي لعنده .. راحت له مستغربه: هلا

همس لها : ارجعي مع اهلك لسعوديه ..

نور بصرخه : ايــــــــــــــــــــش ..؟؟؟؟!!

ام هواجس استغربت وابو هواجس التفت عليهم وتوه ينتبه فيهم : نور... يزيد ..؟؟!! – ابتسم بهدوء – نور شخبارك ..؟

نور صدت عن ابوها والتفتت ليزيد : ليه ارجع معهم وانت .. مابغى ..

يزيد ناظر باهلها وطلعها لبره : نور وش فيك .. ارجعي مع اهلك انا عندي اشياء بخلصها وبرجع معك ..

نور بتحتج ..يزيد سكتها : نور خلاااص ارجعي ..معهم ...

نور عصبت وسحبت يدينها : انت كذا اناني انا على بالي تصلح حالك ..رووح ولا ابغى اشوف وجهك .. اهلي بيضفوني ..

دخلت لعند اهلها ..

يزيد ابتسم (( بكره بتعذريني ..)) ..

دق الباب على الدكتور ..

الدكتور وقف : فين رحت يابني .. طولت كتير ..

يزيد جلس على الكرسي ابتسم بتعب : وانا من ايدك هذه لهذه ..



**********************
عشاق من احفاد الشيطان ... روايه رومنسيه حزينه .. ... وخياليه
**************************





ناظرت بدبلتها الذهب الخالص ..

باستها .. وابتسمت بخجل ..

كانت خطوبه عائليه جدا ..

حفله صغيره .. امها ..وبيت خالها فهد بس ..

محد حضر .. لرغبتها هي .. يكفي صدمات بحياتها تبغى تفرح ببساطه ..

(( انا بخيـــــر يلي متصل تسال .. شلـ

ردت بسرعه وهي تكتم ضحكته ..: هلا ..

متعب : يالبيه الصوت وراعيته انا اروح تحت اي شاحنه منه ..

ضحكت من قلب .. في احلى من الرومنسيه العربجيه مع متعب : هلا متعوبي اخبارك ..

متعب : بخير يوجه الخير .. وشخبارك ربروبه ..

روابي عضت شفتها وكانه قبالها : كويسه ..

متعب : دوووم اسمعي يانينونة قلبي .. مـ

روابي : نينونه ههههههه ...

متعب : هع هع هع هذا ياطويله العمر .. نينونه هو تصغير لنواه ..والتمر لها نواه وانا قلبي له نواه .. وانتي نينوته يعني صميمه ...

ضحكت روابي بصوت مرتفع .. متعب شغله ومشواار .. مايعرف يغازل : هههههههههه

متعب : ياويل حالي على هالضحكه . اذوب بكاس شاي كشري لصعيدي بالتحليه ..

روابي : ههههههههههههه

متعب : نينونة قلبي ... انا تحت بالقوردون على قوله ميري .. انزلي ..

روابي ناظرت بشكلها بالبيجامه : لاااا متعب ماقدر ..

متعب : ليه انتي خطيبتي ولاتستحي مراح اضحك على قصرك ..

روابي تخصرت وكانه واقف قبالها : متعــــب ..

متعب : هع هع هع خلاااص لاتزعلي طويله بس انزلي ..القصر فاضي مافيه احد ..

روابي ناظرت بامها النايمه متسطحه تقيل بعد الغداء ..
ابتسمت مفروض تستغل فرصه وجودها في بيت اهل متعب علشان تقابله ..
: اوكــي بنزل بس بشرط ..

متعب : يالليل المذله .. هااا وش شرطك ..

روابي : ههههههه لااا والله مو اذلك .. شرطي تقلي وش نغمة جوالك اذا دقيت انا ..

متعب ببراءه .. : يالتاكسي .. خذني لها ..

روابي تنهدت ضنته بيقول لها شي .. رومنسي ..: اوكي بنزل ..

متعب : انتظرك يالتاكسي ..

روابي : متعب ههههههه ..

متعب : اوكي خلاااص سحبناها .. بسرعه انزلي ..

روابي : خمس دقايق وانا عندك باي ..

متعب : الله يحرسك ..

سكر من عند روابي وهو مبتسم ..

وش الجنه اللي هو عايش فيها ..؟؟

روابي صارت زوجته ..
انسانه بمعنى الكلمه .. كلها طيبه وانوثه ..
هذي امنياته بالزوجه ,,
ويحس انها كثير عليه ..

مد رجله على طاوله الحديقه واسند يدينه ورى راسه وضل يناظر لسماء مبتسم ..

هنا بنفس هذا المكان .. كانت اول ايام معرفته بروابي ..

وملكت قلبه بعصبيتها ...

وانكارها انه صار رجال وهو اصغر منها بسنه ..

دق جواله بنغمه مزعجه ارتاح منها لاايام ..
رفعه وناظر ..
(( الغثه .. يتصل بك ))

رد بدون نفس : خيــــر ...

لميس تصرخ : انت وينـــك .. ليه مقفل جوالك ..؟؟ لي ايام ادق عليك .. ليه ماترد .. وليه ماجيت بالموعد اللـ

متعب بعصبيه : كلي تبن ولاتصرخي ..ماني بصغر عيالك ..

لميس : سوري متعب لاتزعل بس خفت عليك ..وكنت بنجن ..

متعب باستهزاء : اووه تنجني ..

لميس : حتى لبيتكم جائيت وكنت بدخل اسال عنك بس تراجعت ..

متعب بصوت مليان احتقار : لااا وصلتي للبيت .. انتي كيف تفكري ..

لميس : انا محتاجتلك .. ضايعه وانت بيدك تساعدني ..

متعب : قالوا لك مصلح اجتماعي .. اسمعي يابنت الناس انا واحد متزوج مو فاضي لك ..

لميس ضحكت بدلع : اما متزوج ههههه

متعب برومنسيه يخفي وراها استهزاء : لميس

لميس : يالبيه ..

متعب : تبغي تعرفي وين كنت الاسبوع اللي راح ..

لميس انبسطت واخيرا جابت راسه ويسولف معها .. : ويـن ..؟

متعب : والله انشغلت مع التحاليل وبعدها الملكه واخر شي حفله الخطوبه كان بودي اعزمك لكن عائليه .. لان المدام .. مدامتي طبعا ماتبغى احتفال كبير ..

سكت ..

لانه ...ماسمع رد ..

ولااي صوت للميس ..

ابتسم بانتصار ..

متعب : هع هع هع هع .. وينك ..؟

لميس بهدوء غريب : مبروك ..

متعب : الله يبارك فيك .. ويله فارقي, .. انا متزوج مثل ماقلتلك وزوجتي تغار لاعاد تدقي ..
ودوري غيري تزوريه ببيته .. هع هع هع ..

سكرالسماعه بوجهها .. انسانه مقرفه ماتفهم ..

ناظر بروابي وهي تنزل الدرج بغرورها المعروف لكن مع خجل ..

تتمخطر بتنوره ستان زيتيه بحركات ذهبيه بسيطه .. لفوق الركبه .. وبلوزه ذهبيه ساده وتاركه شعرها على راحته ..

بسيطه مرره بلبسها ..

عدل جلسته وفتح الشماغ وضبطه مره ثانيه .. يتميلح عندها ..
حس بمشاعر غريبه وهو يشوفها .. يتمنى يرفعها من على الارض ومايتعبها..

سلمت وجلست وهي محمره خدودها .. اخر شي تخيلته تستحي من وجود متعب ..
الرجال بن رجال بنظرها : السلام عليكم ..

متعب : هع هع هع وعليكم السلام ..

روابي ناظرت بضحكتها واسنانه البارزه .. وحست قلبها ينبض بسرعه .. وروحها ترجع لها: وش هالضحكه ..؟

متعب : سلامتس بس اذا ناظرتس احب اضحك ..

روابي تحاول تخفي توترها وارتباكها .. : لاااا واللي يرحم عمي وزوجته ... لاتحكي كذا ابغى انسى حائل ..

متعب : يالبيه ماطلبتي ..

جلسوا يحكون وسواليف .. لحد ماغربت الشمس .. ماحسوا على انفسهم ...

متعب : اووه اذن المغرب .. نسيت تركي ..

روابي بتفكير : رجع من الشرقيه ..؟؟ رد عليك ..؟

متعب : لاااا بس يقول واحد من الربع انه يداوم بالجريده ..

روابي : آآها .. وانت بتحاكيه بعد طلاقه لسجى

متعب بسرعه وبدون تفكير : اكيد حبيبتي هذا اخوي وقطعه مني.. ..

روابي عصبت : لااا وانا ..

متعب : انتي كلي ..

روابي : هههه ايوه كذا ..

متعب : يله ياحلوه ادخلي نامي لك شوي قبل لارجع من الـ

قاطعه رياض وهو ياشر بايد من بعيد : اووه الكناري ههههههه

متعب : ادخل لداخل لاتيجي روابي مامعها غطاء ..

رياض اشر له باوكي ..وقال باستهزاء : صر رجاال هههههه

دخل لداخل يضحك على متعب ..
يموت ويناظره وهو يتغزل بروابي وش بيحكي معها هذا ..
كيف بيتغزل فيها ..
وهو كلمتين ذوق على بعض مايعرف ..

حس بضيقه وهو يدخل للاصنصير . ..ويتذكر وش منتظره فوق عند وعود ..

اخر يومين كانت عصبيه مرره.. انصلحت كم يوم وارجعت ازيد من قبل ..

صارت بينهم مشادات كلاميه كثيره ..

نفسيتها تراب .. وتنرفز ..

دخل وكان الهدوء مالي المكان .. وقت الغروب ..
المغرب وين تكون فيه ..؟!

دخل للمطبخ ماحصل احد ...استغرب اذا مو بالصاله او الحمام وين تكون فيه ..؟؟!

بغرفتهم .. غريبه ماتكون هالوقت فيها ..

فتح الباب من دون لايدقه ..

: آآآآه آآآه
ماسكه بطنها وكاتمه صرخاتها بالمخده اللي تعضها ..
احشائها تتقطع .

الم فضيع ماهي قادره تتحرك منه ..

جسمها كله يالمها .. تحس بدبايس بجسمها تغززها ..

صرخت اكثر ودموعها تزيد بعد ماحست بحد داخل للغرفه ..
وعرفته من ريحته وصوت الجزمه بطريقه مشيه المختلفه .. : آآآآآآآآه

رياض خاف عليها .. بسرعه راح لعندها : وعود ايش فيك ..

وعود دخلت راسها بالمخده اكثر ماتبغاه يشوف دموعها .. ماتبغاه يتلذذ بالمها
قالت بصوت مخنوق من المخده : مـ.... ـا فـ... ـينـ....ي شـ...ـي ..

رياض حس بدقات قلبه ترتفع وهو يناظر بايدها تعصر المخده من الالم اللي تحسه..

وبكل قوته بعد وجهها عن المخده بصعوبه : حبيبتي ايش فيك .. ليه تبكي .. وش حاسه فيه ..

وعود ناظرته وجهها احمر من البكي والالم ..
قالت بغصه وهي تبعد ايده عن كتفها ..
وتصرخ بعصبيه : مافيني شي ابعد عني ..

استغرب من حالها ..
ايام الوحام قضت .. وش هذا .. اللي هي فيه ..

بعد يدينها البارده عن وجهها اللي غطته تبكي ..: قلبي وعود تعبانه .. ايش تحسي ..

زادت بالبكي وهي تسمع صوته ..الملهوف .. (( قلبي ))

رفع راسها تناظره وضاقت فيه الدنيا ..
جبينها معرق وتنفسها ضيق .. تتالم ...
مسح على شعرها .. وقال بصوت مخنوق : قلبي لاتبكي بليـــز ..

وعود مع كل كلمه منه تزيد بكي ..
وتضغط على بطنها اكثر تخفف الالم ..

هزت راسها وهي مو قادره تحكي ..

شفايفها لزقت ببعض ماهي قادره تفتحهم ..

رياض حس بشي غريب ..
اول مره تبكي كذا ..

اول مره تنهار لهذي الدرجه ..

يحس بغصته تزيد .. وقلبه يعوره ..

ماتبكي الا لشي كبير .. اكيد ..

ضمها لصدره يطمن نفسها قبل لايطمنها وهمس بهدوء : خلاااص حبيبتي .. اهدي اهدي ..

وعود بعدته عنها بصعوبه وهي مو طايقه شي ..
ارتجفت شفايفها وصوتها ضعف : خلاااص انا كويسه اتركني لوحدي ..

رياض حس انو سبب اللي هي فيه ..من الجلسه وحدها والطفش ..
خلاااها تفكر كثير ..
وبالذات ان اهلها .. من اول ماجئت مازاروها ..

رفع الغطاء عنها علشان تطلع معه تغير جو ..

لكن اول مارفع الغطاء الفخم شهق ..وجسم شعره وقف .. : وعود ايش هذا ..

انكمشت على نفسها اكثر .. وهي تضغط على بطنها من الالم ..

رياض ناظر الدم اللي مالي السرير .. تنزف .. ونزفها كثير : ليه ساكته ..

رفعها بسرعه بين ايديه ..
وعود ماحاولت تبعده او تحكي .. ضلت تبكي وتعصر بطنها ..

: من متى تنزفي وليه ساكته .. خلاااص حبيبتي لاتخافي باخذك للمستشفى هاللحين ..

مايدري وش يحكي لها وكيف يصبرها لحد مايوصلوا ..
مرتبك ومتلخبط ..

قلبه دق بعنف وهو تدفن راسها بكتفه العريض وتشهق بالبكي ..

فتح الباب بصعوبه ..

ودور حوله اي احد من الخدم .. كان القصر فاضي .. وماايبغى يصرخ وعود بجنبه وياذي اذانها ..

فتح الاصنصير بسرعه ضغط اكثر من مره بقهر ..
ومانتظر كثير نزل من الدرج جري ..

طاحت كاتلوجات التصاميم من ايد ام رياض وشهقت وهي تنزل البرقع عن وجهها : رياض ايش فيه .. ؟؟!!

رياض حس بابواب اسماء تتفتح له وهو يناظر بامه ..
خنقته العبره : يمه مادري وعود تنزف ..

ام رياض رمت شنطتها على الكنبه .. وفصخت عبايتها بسرعه ..
لبسها زوجتك بسرعه وانا بنادي على السايق ...

رياض بربكه وقف عند امه : ماعرف .. تبكي يمه وعود تبكي ..

ماكان عندها وقت تحلل نظره الخوف والفزع بعيون ولدها .. وصوته المخنوق ..

لبست وعود عبايتها بصعوبه .. وهي تدعي ربها ان الجنين مايموت من النزيف هذا ..

رمى الغطاء على وجهها .. وركض بصعوبه وهي بيده ..لسياره ..
: يمه تعالي معي بسرعه ماعرف اتصرف

ام رياض اشرت له : انت اسبقني بلحقكم .. ولاتسوق اترك السواق ..

دخل السياره وجلس وعود بجنبه .. وهي تصرخ وتتالم .. واللي وتره اكثر ويقتله ..
انها تنادي باسمه كل شوي : حررررك بسرعه ..

طلعت من المطبخ وناظرت بام رياض ..: يمه وش فيتس ..؟

ام رياض مرتبكه وجهها باهت ..: رواابي كويس انك هنا .. اعطيني عبايه

روابي : اشرت لخدامه تجيب العبيه واخذت كاس مويه لعند ام رياض : يمه طيحتي قلبي وش فيتس ..؟؟

ام رياض غرقه عيونها وانفها مرفوع لفوق : وعود تنزف .. بنتي ياقلبي عليها ..

روابي بغباء : بتولد .. ماكانه بدري .. ؟؟؟!!

ام رياض : لاااا وش تولد ماصار لها اربع مادري خمس شهور .. بس تنزف الله يستر .. الله يستر ...

خافت روابي على وعود .. : مسكينه الله يساعدها ..

سحبت ام رياض العبايه بقوه من الخدامه : روابي الله يعافيك اذا جئت ام جميل والنسوان الباقي قوليلهم ماني راجعه .. وجلسي عندهم ..

هزت راسها ببلاهه .. وهي تناظر ام رياض تسكر عبايتها وتمشي بسرعه للبوابه ...

وعود تنزف ...اكيد لرياض يد ..

تذكرت الحكي اللي امس سمعته ..ماكان قصدها .. بس حكيهم وقفها ..

((دخل رياض للغرفه مصدوم .. وسحب المقص من ايد وعود : مجنونه انتي ايش اللي تعملي ..

وعود كانت جالسه على ركبتها ومقدمه شعرها لقدام وماسكه المقص وقصت شعرها لكتفها .. وبدت تكمل عليه بعشوائيه . .. والمقص عالق بنصها ..

سحبه رياض من ايدها معصب وهو يناظر بشعرها الطويل بالارض مقهووور ..

وعود وقفت وجرت منه المقص وهي معصبه : آآآآآف كيفي هذا شعررري ..

ناظرها رياض بصدمه ..و انفها الاحمر ولابسه روب نيلي لنص فخذها ..واضح انها كانت تبكي من دقايق ..
: وعود انتي نجنيتي ..

وعود : موهذا اللي يعجبك فيني ومصبرك خلاااص قصيته ..تخلصت منه ..- ضربت ايدها بالثانيه – خلاااص راح ..

رياض صرخ وهو يسحب المقص بصعوبه : وعود انتي نهبلتي..

وعود : لااا مانهبلت بس طفشت.. آآآآف منك آآآآآف ومن قرفك ..

رياض استغرب من وعود : لااا حالتك صعبه انتي ماينسكت عليك ..

وعود اشرت بلامبالاه : ولعنتيـــــــــــن فيك ياعبد كات حقتك ..

رياض ماملك اعصابه وضربها كف : كلي تبن ..وعو من جد انهبلتي ..

وعو د سحبت منه المقص .. ودخلت للغرفه قفلت على نفسها الباب ..

بعدت روابي عن الباب المفتوح شوي .. ورجعت لغرفه مصدومه ..))


دخل وبعد دقايق طلعت تنزف ..

حمدت ربها بسرها ان نصيبها كان متعب مو رياض ..
ودعت انو مايتغير عليها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************




ودي المس كل جرح يتعبك...
ودي اداويه وألمك واجمعك...


فهد قال وعيونه تنتقل للمر : يعني وينها راحت فيه .. مو تقولي محروقه وماتقدر تتحرك ..كيف سافرت قولي حكي يدخل العقل ..

الممرضه توهقت مع فهد اللي يصارخ ..: والله ســافرت من ساعتين بس ..بطياره خاصه ..

فهد ضرب الجدار بايده معصب : ليــــه ليــــه ..؟؟!

الممرضه ناظرته بقلة حيله وهي تبتسم بتودد ..

فهد مسك ايده الملفوفه بايد الثانيه ..
وهو مليون فكره براسه ..
يسافر لايطاليا ويكمل شغله اللي اهمله كثير ..
والا لسعوديه عندها ..

يزيـــــد ..
وين يزيد ..هاللحين ..؟؟!
مايرد على جواله ولاهو موجود بشقته ..
والمشكله انه مارجع معهم ... بس زوجته نور رجعت معهم ..

خاف يكون يزيد حصل معه شي ..

تااائيه ماهو عارف راسه من رجليه ..

ايش يعمل وش بيده ..

آآآآه ..

طلعت من قلبه جد ..

قرر وقرار بدون رجعه .. اعصابه تلفانه ومضغوط ..
ضروري يروح لايطاليا يروق هناك ويرتب افكاره ..
بعد مايتطمن على يزيد ..


**********************
عشاق من احفاد الشيطان ... روايه رومنسيه حزينه .. ... وخياليه
**************************





<< إيه احبك وأنت في عيوني سهر
…وانت وسط القلب حرات وقهر>>



جالسه على الكرسي تمسح انفها الاحمر بمنديل ..
..
وقبالها على الطاوله علبة المناديل ..ومويه وبندول ..وكوفي ..


راسها مصدع من امس ..
تحس ضغط باذنها من شده الالم ..

امس كان كله زفت من اول ماصحت لحد ماقابلت تركي ..
تنهدت وهي تبعده عن بالها من امس مانامت .. بسبب نظرته لها وتفكيره .. جدها ايش اللي عمله معه ماتدري ..

جو صديقاتها وكانت الجلسه معهم ممله .. وبدل ماتنسى همها زادوه عليها باسئلتهم التافهه والمباشره ..

اخذت منديل تمسح انفها ..وعيونها ..
لفت انتباهها وهو يدخل بهدوء ويمشي وعقله مو معه ..
شهقت وهي تناظر ثوبه :رياض .. ايش هذا الدم ..ايش اللي حصل لك ..

رياض ناظر ثوبه والدم اللي مغطيه ... وزفر بتعب : طاح الجنين ..

سجى شهقت وحطت ايدها على فمها .. حست بالضيقه والزعل على وعود واخوها امس كانت تضحك معها وتمشي واليوم فقدته ..
نزلت دموعها ومسكت راسها تحس بصداعها يزيد ..
مصيبه واي مصيبه ..
ضاع الحفيد المنتظر ..

رياض كان شماغه على كتفه وقلاب ثوبه مفتوح .. اشر بضيقه .. وهو يجلس : سجى مااني بناقصك ..رجلي ماهي بشايلتني ..

سجى حاولت تضبط اعصابها ودموعها : كيف وش السبب .. من ايش النزيف هي طايحه ..

رياض سحب الكوفي ورمى فيه علبتين بندول من البرشامه .. شرب منه يدور على الراحه من الالم اللي يحسه ..يبغى شي يخفف من البروده اللي يحسها بجسمه واطرافه ..
بلع ريقه بعد دفعه ساخنه من الكوفي ..صوته ارتجف : كان ولد ..

سجى ماعرفت كيف تتصرف اول مره رياض يتكلم بهالطريقه .. وهو موقادر يثبت رجفته ..
راحت لعند اخوها وجرت كرسي لعنده ..جلست وهي تمسك دموعها وتوقفها ..
اخذت نفس طويل ومسحت على ظهر رياض : لاتزعل رياااض .. اهم شي سلامه وعود .. وان شاء الله .. الله بيعوضكم بغيره ..

رياض التفت عليها وعبرته تخنقه .. رمى راسه على كتفها الضعيف وهو يقول بصوت مخنوق : انا السبب ياسجى .. يقول الدكتور انها سقطته بسبب الضغط النفسي اللي تعرضت له .. انا من البدايه السبب ..

سجى ماتعرف تتصرف بكذا حالات .. ضلت على جلستها .. بس مسحت على ظهر اخوها الكبير بحنان ..
وش الفرق بينهم ..
بالسن ..
والتفكير ..

كبيــــــــر مرره ..
لكن مهما كان كبير وعدى العشرين لثلاثين بيضل محتاج ام واخت حنونه ..

نزلت دموعها وقالت بسرعه وبصعوبه : لاااا انت مالك دخل .. وعود تحبك ..مهما عملت لها ..انت زوجها – غمضت عيونها بقوه – والزوجين مفروض يسامحوا بعض .. يكونوا سوا ضد الظروف ..

كانت تحاكي رياض .. لكن تطالب تركي ..

اخوان .. اثنينهم ..
محرومين من الفرحه والسعاده ..
احيانا يكونوا الضحيه .. وكثير يكونوا الظالمين ..

رياض حس انه ضايق سجى اخته كثير وبالذات انه من شهور ماشافها ..

رفع راسه وابتسم بتعب .. : بدل ماتسكتيني تزيديها علي .. يله ابعدي اتركيني ابدل ثوبي.. قرفان حيااتي ..

سجى مدت بوزها وبعدت عن الكرسي ..
كانت عاقده حواجبها وشكل تركي مايفارقها ..

رياض : سجى وين زوجك .. وش عندك هنا ..؟؟!!

ناظرته بصدمه لثواني معقوله مايعرف ..
وعود مااحكت له ..

خافت تضايقه وهو موناقص ..
وبعد خافت على تركي منه ..

قالت بابتسامه متوتره : تطلقت ..

رياض : تطلقتي ..؟؟!!.. وانا مادري انتم وش قصتكم ماتحسبوني واحد منكم .. تتزوجيه وتروحي فجاءه بدون حفله وانا مادري وهاللحين تطلقي وبعد مادري ..
انا مو اخوك مثل متعب ..

سجى بسرعه : لاااا مو كذا – قالت بكبرياء مجروح وانفها ترفعه لفوق – انا طفشت منه مرره بلدي .. ومايفهم شي .. – بدلع كملت - ولااا تخاف جدو قالي اذا ابغاه برجعه ..

رياض هز راسه باقتناع ..
جده قول وفعل وهو اكثر واحد مجرب ..

ام رياض طلعت من الاصنصيل ..: ريااض انت جئيت .. كيف وعود ومـ

قاطعها وهو يقول بضيقه : سجى تحكي لك ..

طلع لدرج بثقل .. وهو يتذكر شكلها وهي تصرخ وتمسك بايده اكثر بالمستشفى ..
حاول يقنع الدكتوره يجلس معهم لكنها رفضت رفض نهائي ..

ومع الاسف كانت تنزف كثير ماقدروا يلحقوا على الطفل .. وكل محاولاتهم راحت ..
خلصوا من التنظيف على الفجر ..
ماترك المستشفى الا من دقايق .. لحد ماتطمن عليها وعرف من الدكتوره سبب نزيفها ..

تنهد وهو يسكر باب الجناح : ياليت يدي نشلت ولا ضرربتها .. وش العقل اللي مركب براسي اضربها وهي حامل..

فصخ ثوبه ورماه على الارض ..
قرفااان نفسه ..
دخل للحمام يتروش ويبدل ويرتاح له شوي قبل لايرجع عندها بالمستشفى ..

تروش وعيونه معلقه بمكان واحد ..
سرحان ماهو بحول شي من اللي حوله ..
الضيقه والمصيبه فتحت عيونه على اشياء كثيره ..
وعود شي مهم بحياته وماتخيل يخسرها ..وتمنى يررجع الزمن لورى وينقذ طفله ..
ولدهم ...اللي بيربطهم ببعض اكثر ..


لف عليه روب وعود البيج .. وهو مايدري المويه اللي تروش فيها ..
او انكتت على راسه ساخنه والا بارده ..
هو استخدم رغوه وصابون والا لا ..

ناظر بايده وتذكر ايدها اللي كانت تفرك جسمه بالرغوه والصابون .. كانت معيشته ولااا ملك زمانه ..
ومع كذا اتهمها باغلاى شي عندها ..
ضغطت على نفسها وجاءت له علشان اللي ببطنها ..وبدل مايعتذر لها ويحترمها .. استهان فيها واستقلها ..

رفع ياقه الروب لعند انفه وهو يشم ريحه وعود فيه ..
ريحه ياسمين ومسك .. تعطي ريحه المشمش الطازج ..
ريحتها غريبه وحلوه ..

بيقدر يعيش بدونها .. اخذ الفرشه وسرح شعره وعيونه على السرير اللي ماتحرك من مكانه واثار الدم عليه ..

التفت له ورمى الفرشه من ايده ..

الخدمات الغبيات ومانظفوه .. جد حمير ..

قرب لعند السرير وهو يسمع صرخاتها وضمت ايدها للمخده ..

لفت انتباه شي بالباترينه ..
ورقه وعليها صورتهم مقلوبه ومغطيه الورقه .. ..

رفع الصوره وناظر بوجهها الباسم الهادي .. تبتسم ورياض عابس .. ابتسامته صفراء ..

انقهر لما ناظر شعرها .. كيف قصته كله تقريبا مابقى الا قليل منه لحد كتفها ..

ترك الصوره على جنب وناظر بالورقه ..مو غريبه عليه ..

رفعها طاحت منها تذكرتين سفر ..

رفعهم بسرعه يتاكد .. وضرب راسه بقوه ..وغمض عيونه وشد عليها ..

غبـــــــــي ..
غبــــــــــــي ..

قطع التذكرتين بقهر ..

اكيد شافتهم .. اكيـــــــــد هم السبب ..

قطعهم اكثر وهو يتخيل الصدمه كيف على وجه وعود وهي تناظر التذاكر ..
تذكرتين له ولكاترين .. ورقه كاتبها بخط ايده بيرسلها لكاترين فيها موعد الطياره ودخولها لسعويه ..

جلس على طرف السرير ناسي الغذاره اللي فيه ..

يستاهل الاوسكار بتحطيم قلبها الصغير ..
هو متاكد انها تصطنع القوه وبداخلها طيبه فضيعـــــه ..
: ليــه ليه ياوعود قريتيهم ليه ..



**********************
عشاق من احفاد الشيطان ... روايه رومنسيه حزينه .. ... وخياليه
**************************





الحال في بعدك قسم بالله ما اسميه حال ..
انوي على الضحكة واحس كلي خطا لني نويت..



:نــــــدى .. ندوووش يله عاد اطلعي معنا

ندى اشرت بدون نفس (( اطلع ليه انا عندي ريال واحد علشان اطلع ..)) : لااا مالي خلق ..

نجود : مسكين احمد عازمنا على سلامته ..هههههه شكله انتظر حد يعزمه ماحصل قال اعزمهم هههههههه

ندى ابتسمت بدون نفس : شكله ..

نجود سحبتها من ايدها : يلــــــه عاد ندوشه طلعي معنا .. الطلعه بدونك ماتسوا ..

ندى تاففت : بلييييز نجوده لاتضغطي علي .. والله مالي خلق شي .. قلبي مقبوض ..

نجود : مقبوض تعوذي من الشيطان بس ..

ندى حاولت تفتح عقدت حواجبها : اعوذ بالله من الشيطان الرجيم ..

نجود : خلااااص براحتك .. بس اقفلي عليك الباب واتركي عنك الوساوس ..

ندى هزت راسها : اوكــــــــــي .. بااي ..

نجود : تبغاها من الله هههههههه..

قفلت ندى الباب ورجعت لنفس الكنبه .. وهي تتعوذ من الشيطان بداخلها ..
قلبها مقبوض من ايش ..امها او ابوها فيهم شي ..
نوااف .. هواجس نور ...

مين من اهلها فيه بلاء .. هي ماعندها حاسه سادسه بس اول مرره تحس كذا

**********************
عشاق من احفاد الشيطان ... روايه رومنسيه حزينه .. ... وخياليه
**************************




همست وهي تطفي النور : خلاااص يابو هواجس كذا حراره الغرفه كويسه ..

بو هواجس ناظر بهواجس النائمه على السرير تعبانه بعد السفر وتعرضها لاختلافات بالجو ..
لكن مستشفى هناك امكانياتهم بسيطه ومايقدروا يوفروا لها سرير لوحدها ..
يكفي بهدلتها كانت مع ثلاث اشخاص بغرفه وحده وبعد ماطلعت روحها نقلها لغرفه لوحدها ..

وهاللحين هي بقصرها مرتاحه ..

سكر الباب بخفه علشان مايزعجها ..: وين نور ..؟!

ام هواجس تاففت : من ركبنا الطياره وهي صراخ ومعصبه كل هذا لان زوجها مو معها ..

بو هواجس خفض صوته : هو ناقص دم .. وعنده مشاكل بسبب ادمانه بيتعالج منهم ويرجع ..

ام هواجس ضربت صدرها بفزع : ادماااانه ياحسرتي عليك يابنتي حظك مثل حظ امك مايل ومـ

سكتت لما انتبهت على نفسها ان بو هواجس قبالها .. جهزت جسمها لضربه جديده منه واكيد بتكون قويه وبالذات ان له كم يوم ماعلم عليها ..

مسك كتفها بهدوء : انا بطلع لبوماهر المستشفى اتطمن على صحته .. وبمر اخذ ملاك من بيت اختي .. انتبهي للعيال ..

ام هواجس فتحت فمها بصدمه : هااا ..

بو هواجس زفر بوجع : اللي شفته مو قليل بنتي كانت بتروح من ايدي ..

تركها ومشى يعد خطواته لطريق الصح ..
لعب وسرح ومرح ..

ضاع ورى هواء نفسه .. وضيع بناته بدون رحمه ...

دق الباب على نور ..
قال بصوت هادي : نووور نوور افتحي ..


ماسمع ردها ..وعرف انها مراح ترد عليه ..
راح وتركها ..

.
.
.
.

نور بوزها ممتد شبرين لقدام معصبه مررره ..

واذا تركها وقال مايبغاها وش اللي حصل يعني ..
جد واحد اناني وحسود .. مايطيق الا نفسه

ومن الكلام هذا كثير تردده من اول ماقل لها بالمستشفى ترجع مع اهلها ..

صرخت وقالت كلمه ندى المعروفه اذا زهقت من التفكير : خلاااااااااص . .. آآف بنفجر تعبت وانا افكر ..
انا متزوجه والا لاااااااا ..يالله وش هذا ماهي بحاله ..
اطلع من راسي ياولد جواهر ..




**********************
عشاق من احفاد الشيطان ... روايه رومنسيه حزينه .. ... وخياليه
**************************





أندق الباب ثلاث دقات ...

: ملاااااك مع ذا الوجه ابعدي عني ..ياللزقه ..

ملاك : نووواف ابغى اللعب معك ..

نواف : يااااااارب اغفر لي من الغثه هذي ...روحي افتحي الباب ..

ملاك : وتلعبني

نواف : ايوه بس ضفي وجهك ..

ركضت بسرعه لعند الباب وفتحته وهي تضحك ..

ناظر وا ريان وسامي بالبزر ...اللي شهقت لما شافتهم يتشابهون وبالذات ان سامي لابس ثوب ..
: يمـــــــه ..

مسكتها ام ريان قبل لاتركض لدااخل وهي تضحك على لبزر : ههههههه تعالي هذولاء توووم ..

ملاك رمشت باستغراب : توووينـــــــــــز ..

ريان باستعلاء ناظر بالبيت وقال بين اسنانه : هذا علشان خاطرك ساام جاي لعند فراشي .. وياليت يبين فيك ..

سامي : ههههه .. مشكور بس يالله نخلص ..

ام ريان ابتسمت : يله بس ندخل خلصونا ..

ريان : انتي نادي ابوك

سامي : هيــــه هذي بنت خالها ملاك ..ملاك صح ..؟؟!

ام ريان : مشاء الله عارف العايله كلها ..

ريان بطرف عيونه : قلتلي ماتعطيك وجه ..

جاء نواف وناظر بريان وسامي وعرفهم : نعـــم خير ..

ريان : نواف وين ابوك ..؟؟!

نواف : داخل .. تفضلوا ..

ام ريان : وامك وينها

نواف مستغرب : تفضلي خالتي .. من هنا امي وجدتي ..

دخل سامي وريان للمجلس و ام ريان لصاله ..

سامي كان يناظر بالمجلس وهو يحس بدافاء بهالبيت القديم ..
اكيد ندى جلست هنا اكلت وشربت وضحكت ..

اما ريان قرفااان من الوضع .. وضاغط على نفسه علشان خاطر اخوه سامي ..

بو نواف دخل لعندهم .. مستغرب وعيونهم تنتقل بينهم : السلام عليكم ..

ريان وسامي : وعليكم السلام ..

نواف : تفضلوا ليه واقفين ..

جلسوا وريان قرفان نفسه اما سامي يتبسم ..

ريان بدء الحوار وكالعاده كان هو يديره بسهوله : اكيد مستغرب من جئيتي يابو نواف انا واخوي والوالده .. بس لي منك طلبين ..

نواف بطرف انفه ومن انت علشان تطلب انا مادخلت لبيتنا الا لانك واصل عند بابنا اما تتطلب فاسمحي لي انت مثل مايقولوا شين وقواة عين ..

بو نواف كان ساكت يسمع لولده مبسوط .. في رجال يقدر يعتمد عليه ..

ريان ناظر بسامي معصب بس سامي هز راسه علشان خاطري ..


ريان : انا ماحكي معك انا جائي لابوك ..

نواف : انا وابوي واحد ..

سامي يهدي الوضع : والنعم والله فيكم .. بس حنا ياعمي حمد جائين نصلح اللي تكسر .. – حط ايده على كتف ريان – وهذا ريان جاء لك بنفسه يطلب منك ترجع لشغل ..

ريان ميل فمه وهو يردد بداخله (( اخر زمن اترجى هالاشكال ..))

نواف : محنا بمحتاجين لشغلك .. ابوي متوظف ولله الحمد

بو نواف كمل مع ولده : ماقصرت ياعم ريان كفيت وفيت معي وانا مقدر فضلك لما تركتني اكمل معكم بالبدايه

سامي بمرح يلطف الجو المتوتر : لااا ياعم اي فضل .. الفضل لرب العالمين .. والشركه بدونك ماتسوى .. وحنا جائين نعرض عليك تشتغل عندنا بالمحاسبه .. مو انت عندك شهاده صحيح قديمه بس امانتك تنفعنا ..

نواف وبو نواف سكتوا شوي ..

ريان : ها وش قلت ..؟! عرض مايتفوت ولاكنت تحـ

قاطعه سامي قبل لايخرب كل شي : لاااا باذن الله موافق انت يابو نواف رجال وماتردنا وحنا واصلين لبيتك ..

بو نواف كان بيتكلم بس سامي قاطعه : وحنا مو بس نبغاك توضفنا حنا جائيين طالبين نسبك وقربك ..

نواف وبونواف : نسبـــــــك ..

ريان كمل عنه : والله يابو نواف حنا جائيين خطاب ..هو مفروض يكون ابوي معنا بس انت عارف ان حنا ايتام .. وانا جائي اخطب بنتكم ندى لاخوي سامي ..

بو نواف ناظرهم مصدوم ..
واسم ندى يتردد باذنه ..
وش يقول اذا هو مايعرف مكانها ..

ريان : انا عارف وش بتقول لايغررك سوابق اخوي سامي .. والحكي عنه .. تراه ترك خرابيطه ورجع لربه ..

نواف وابوه مربوط لسانهم ..
من سواد وجهه ندى ..
مالهم وجه يقولوا بسمعته شي اذا بنتهم ماهي باحسن منه ..
حس بو ونواف بالعرق يمليه ..وان ضغطه ارتفع .. وش يقول ..

سامي : تبي الصراحه ياعمي انا شفت بنتك بمصر والشاهده لله عجبتني اخلاقها والاتزامها بعبايتها .. غير كل البنات اللي هناك ..
صحيح ماحكيت معها .. بس لانها ساكنه بعماره اخوي اللي هناك ..
والنعم بتربيتك ياعم ..


هو صدق اللي يقوله سامي ..
ندى ماسودت وجهه والنعم فيها وهي مسافره ..
حس بونواف بالدم يرجع لجسمه وبانفاسه تنتظم ..
يعني جائي يخطبها وهو عارف انها تدرس بمصر ويشهد باخلاقها ..

قال نواف بسرعه بديهه : ايوه اختي تدرس هناك مع بنت جيراننا .. وهي مو هنا هاللحين ..


**********************
عشاق من احفاد الشيطان ... روايه رومنسيه حزينه .. ... وخياليه
**************************



قال بصوت لاهث وهو يعدل جلسته بسريره الفخم .. : فيصل .. فيصل ..
وينه ..؟!

ام جراح وهي واقفه بعيد عنه وتناظره ببرود: شكلك غلطان وتقصد رياض ..

هز راسه بضيق : لاااا فيصل ولدي ..

ناظرته باستغراب واحتقار : تطمن عليك وطلع ..وش تبي فيه .. .!؟


لف وجهه عن زوجته وهو بنزل من السرير : دقي عليه ابغاه ضروري ..

ام جراح بعصبيه خفيفه : طااارده هو وزوجته وهاللحين تبغاه .. تكمن يقولك اليوم بيطلع من هنا ..

بو جراح : مجنون هذااا .. دقي عليه بسرعه .. ولدك مريـ

سكت ولبس شبشبه .. : جيبوا لي قهوه او اي عفن .. ونادي لي ولدي ..

ام جراح استغربت : مو من العاده ولدي بالعاده تقولي ولدك ..

بوجراح ناظرها بقسوه : كانك بنت ابوك وقفي قبالي دقيقه زيااده ..ضفي وجهك يامرأه ..

ام جراح طلعت من عنده وهي متعوده على اسلوبه .. يغيب سنوات .. ويرجع بظلمه وجبروته ..

.
.
.


شموخ عند ركبت فيصل وتترجاه : ليه ماقلتلي .. ليه سكت وماقلتلي ..؟ من متى تدري ..؟ - زادت دموعها وهي تلف راس فيصل وتجرب يناظرها – ليه ماترد علي .. انا احاكيك ..

فيصل ضلت عيونه معلقه بعيونها .. لمس خدها بنعومه ومرر اصابعه بهدوء عليها : خايفه علي .. تبكي علشاني ..

شموخ زادت دموعها وباست ايده اللي على خدها : انت كل شي بحياتي .. فيييصل ليه تعمل فيني كذااا .. ليه ..؟!

فيصل ابتسم لها : انا ميت ميت .. انتي تبكي ليه .. ها ...

شموخ ماردت عليه بس دفت راسها بين رجلينه تبكي ..
معقوله بيجي يوم وماتناظر فيه فيصل .. او حتى تلمسه ..
بتجي اللحضه اللي بتفقد فيها خياناته وقسوته

مسح على شعرها وهو يحس بالبرود ..
برود داخلي ..مشاعر ماقد حسها وهو مع شموخ ..
: الا ماقلتي لي وش رايك تبغي تكوني مطلقه والا ارمله

رفعت راسها مصدومه .. كيف يفكر..

فيصل رفع حواجبه باستهزاء : اختاري ايهم اكشخ ويناسب لشموخ الخيـــال ..بنت عم ريان الخيـــــال

شموخ حست هو.. هو مراح يتغير ..
سحبت يدينها من ركبته .. وهدت دموعها شوي .. لكن مازالت تبكي ..

قاطعم صوت الباب يندق ....

فيصل وقف : من .. لحضه ..

الخدامه : مس فيصل بابا كبير يبغى انتي ..

فيصل ناظر بشموخ وهي توقف بخوف ورجع طالع بالخدامه : اوكي ..
- اشر لشموخ – اذا مرجعت نامي ..

طلع وسكر الباب ..


ويــــــن تروح ..
وش تعمل ..؟؟
من تشكي له ..همها جبال ماتقواه ..
آآآآآآآآآآآآآآآه ياقلب ماعرفت الفرحه بيوم ..

.
.
.

وقف بعيد وناظر ابوه ندمان انه فرض نفسه عليه وانرمى بحضنه ..

: نعم طلبتني .. اباخذ الاوراق لرياض هاللحين ..

بو جراح ماهو عارف كيف يتعامل معه .. كبريائه وقوته ماتسمح له يضم ولده او يعبر له عن مشاعره ..

محتار وش يقدر يعمل .. وبالذات مع اكثر انسان جرحه واهانه بنفسه ..
وكان ضحيه لخيانته لبلده وانسانيته .. دخل السوم علشان توصل لولده ..

رفع راسه من كوب الشاهي اللي بيده ..: انت ماغسلت وجهك ..جاي لي بدمك ..

فيصل تحسس خده وتذكر الجرح ..
زفر بضيق : نسيت ..

بوجراح رجع فنجان الشاهي لطاوله وقال بهدوء : ماسالتني كيف صحتي هاللحين ..

فيصل ابتسم باستهزاء ..
هو اللي بيموت وهذاك يسال عنه ..
: انت ذيب يبه مايحتاج اسالك ..

بوجراح قال بثقل على لسانه وهو يقاوم تكبره ويضغط على نفسه ..: اترك الاوراق عنك انا بوصلها لرياض .. و..- تردد -و..
و.. لاتطلع انت وزوجتك ..ابقى بالبيت ..

فيصل : لااا مايحتاج انا بـ

بو جراح بامر : خلاااص انا قلتلك تجلس تجلس ..

فيصل بهدوء : وبعدين ..

بو جراح رفع راسه لفيصل : ايش قصدك .؟

فيصل : سلااامتك .. تامر على شي بروح ارتاح ..

بو جراح : عند اي مستشفى تتعالج برسل اوراقك لبره تتـ

قاطعه فيصل : لااا تتعب راسك يبه .. حاولت وماينفع ..

بو جراح : مو انت تقول انك عرفت امس ..

فيصل ارتجف صوته : كنت عارف بسوريا.. وعرفت هناك ..

بو جراح بقسوته المعتاده يكابر فيها : اهاا .. الا ماقلتلي هذي زوجتك .. كيف تختار وحده بجمالها هذا ..

فيصل استغرب : ليه وش فيها ..؟!

بو جراح : الرجال الذكي يتزوج ابشع منه علشان يتفضل عليها مو هي تـ

فيصل بتعب : يبه الله يرحمك .. تعبـــــان ...مافيني احكي ..ولااا اسمـــــع ..

بو جراح اشر له : روح ارتاح ..

جر فيصل خطواته جر لعند الغرفه .. اشر لشموخ اللي على وضعها ..بالصاله .. بس بدون دموع كانت تناظر بالفراغ : تعالي وجيبي معك من درج الغرف هذيك تلفزيون ..

دخل للغرفه بدون لاينتظر ردها ..
فتح درج الثلاجه الصغيره .. وسحب قزازته الغاليه ..
شرب منها بدون ثلج او كاس ..
يبغاها تحرق جوفه .. مرارتها تحرقه ..
يمكن يرتاح ..

رمى نفسه بتعب على السرير وبيده القزازه .... مو تعبه جسده كثر ماهو نفسي ...

خلااااص مل الحياه وعافها وينتظر اللحضه اللي يسلم فيها ..

عنده يائس بالحياه وقنوط من رحمه الله ..

واتجه للادمان اكثر كهروب ..
.
.
شموخ دورت بالدروج وعقلها شارد ..
مريض ويتعاطى .. ماتعض من مرضه .. ضل على حاله ..

تكرره والا تحبه ..

محتاره معه ...
وكاسر خاطرها ..ماتقدر تزعله ..

دخلت لعنده بلهفه .. وغرقه عيونها وهي تناظره مسند ظهره على قاعده السرير ويشرب من اللي بيده بنهم .. يشرب ويضعط على اسنانه يبكي ..

شموخ تنهدت وهي بضياااع ..تقرب منه وهو فاسق ..
والا
تبعد عنه وهو مريض وزوجها ..

قربت لعنده ليالي وايام قليله ..ويكون هالسرير خالي بدونه ..
تكون فيه لوحدها .. بعد ماتعودت على وجوده ..

صرخت بداخلها (( لااااااا لااااااااااااااااا.... الا فيصل ... الا زوجي .. الااا حبيبي .. ايوه حبيبي .. ماتشوفوه .. ناظروا فيك ... يصعب على الكافر ..))

حطت الهيروين اللي تعودت على شكله وتعرف اصنافه ..
واخذت من فيصل القزازه اللي بيده .. وهو بحاله هذيان يلعن ويسب بابوه ..

مددته وغطته .. وحضنته بكل مشاعر الزوجه الثكلى ..وهي تهمس له : نام ياحبيبي .. انا معك وحولك .. مراح اتركك .. انت قلبي وحياتي مستحيل اعيش بدونك ..

كانت الايد الحنونه والصدر الدافي له ..
وهو اللي ترك بنت خاله علشان مايذيها ويجرحها وتزوجها هي .. وهي اللي بنظره تستاهل العذاب ..